ნინო წილოსანი: ნათია ლეთოდიანი, რომელიც მომივარდა, არის „დროას“ პოლიტსაბჭოს წევრი
„ნათია ლეთოდიანი „დროას“ პოლიტსაბჭოს წევრი, ცნობილი აქტივისტი, აგრესორია, რომელიც მომივარდა, აჯობებს, საკუთარ უფროსს მიუვარდეს, რუსული რუბლებით რომ იკვებება”, – ამის შესახებ პარლამენტის თავმჯდომარის მოადგილე, ნინო წილოსანი სოციალურ ქსელში წერს.
წილოსანის თქმით, ნათია ლეთოდიანმა მისგან საკადრისი პასუხი მიიღო.
„უკვე ძალიან მეცოდებიან ოპოზიციური ტელევიზიები, საკუთარი ნიუსების პოპულარიზაციისთვის ხმამაღალი ჰედლაინების კეთება რომ უწევთ – „ნინო წილოსანს მონა ეძახეს“. არ გაინტერესებთ ვინ იაქტიურა ამჯერად? ნათია ლეთოდიანმა, რომელიც ვითომ შემთხვევით მოხვდა იმ ადგილას, სადაც ვიმყოფებოდი. ის გახლავთ „დროას“ პოლიტსაბჭოს წევრი, ცნობილი აქტივისტი, აგრესორი და ზიზღის გამავრცელებელი. რა თქმა უნდა, თავისი ბელადი ლაკასგან იცოდა, რომ შეხვედრაზე ვიქნებოდი და სწორედაც რომ მიზანმიმართულად მომივარდა. სამაგიეროდ, მიიღო საკადრისი პასუხი და სამომავლოდაც, ყველა შემთხვევაში, აუცილებლად მიიღებს საკადრის პასუხს. აჯობებს, საკუთარ უფროსს მიუვარდეს, რუსული რუბლებით რომ იკვებება“, – წერს ნინო წილოსანი.