“ნიკა გვარამიას „თვალი ეცა” ვიღაცის და რაღაც სეგმენტზე მუშაობა გადაწყვიტა, – ასე უპასუხა საპარლამენტო უმრავლესობის ლიდერმა მამუკა მდინარაძემ ჟურნალისტის კითხვას ნიკა გვარამიას განცხადებასთან დაკავშირებით, რომ რუსი ტურისტების შემოდინება საზოგადოების დაკვეთაა.
„მიხვდა, რომ რასაც ლაპარაკობდნენ იყო სპეკულაციური, დამაზიანებელი და ცდილობს, რომ სეგმენტი, რომელიც ობიექტურად ფიქრობს მოიმხროს, მაგრამ მისი ბნელი წარსული და მისი პარტიის აგენტურული ქმედებების შესახებ ყველამ იცის და ვერ მოატყუებს ხალხს, რაც არ უნდა მესიჯები გაასწოროს“, – აღნიშნა მდინარაძემ.