თბილისში, თერგის ბაზრობასთან 30 წლამდე მამაკაცი დაჭრეს. არაოფიციალური ინფორმაციით, ორ ახალგაზრდას შორის შელაპარაკება მოხდა, რის შემდეგაც, ერთ-ერთმა მეორეს ცივი იარაღით ჭრილობა მიაყენა. აღნიშნული პირი სამართალდამცავებმა ცხელ კვალზე დააკავეს.
როგორც შინაგან საქმეთა სამინისტროში აცხადებენ, მომხდართან დაკავშირებით გამოძიება სისხლის სამართლის კოდექსის 19/108-ე მუხლით მიმდინარეობს, რაც განზრახ მკვლელობის მცდელობას გულისხმობს.