27 ივლისს ფრანგული „სენტ-ეტიენი” ესპანეთის ლა ლიგის მკვიდრს, „ვილიარეალს” ამხანაგურად ეთამაშა. შეხვედრა საბენეფისო გამოდგა ქართველი შემტევისთვის – ზურიკო დავითაშვილმა ესპანელებს 2 გოლი გაუტანა და 1 საგოლე გადაცემა შეასრულა. შეიძლება ითქვას, რომ ქართველმა ვილიარეალს პირადად მოუგო (3:1) და მის მიმართ საქებარი სიტყვები არ დაუშურებია მთავარ მწვრთნელსაც.
„ის ძალიან მაღალი კლასის მოთამაშეა, ვიცით, რა დონეზეც შეუძლია თამაში. დაგვანახა, რომ იცის ბურთის შენარჩუნება, გოლის გატანა და პასის გაკეთება. მხოლოდ 23 წლისაა და თითქოს ჩვენთან დიდი გამოცდილება მოიტანა. როდესაც ზურიკოს ბურთი აქვს, ჩვენ ვგრძნობთ, რომ რაღაც უნდა მოხდეს”, – განაცხადა ოლივიე დალ’ოლიომ.
აღსანიშნავია, რომ დავითაშვილი შეხვედრაში მხოლოდ მეორე ტაიმში ჩაერთო, მაშინ, როცა მისი გუნდი 1:0 მარცხდებოდა. ეს შეხვედრა ზურიკოსთვის პირველი იყო ახალ გუნდში. სენტ-ეტიენი მომავალ ამხანაგურ შეხვედრებს 3 და 7 აგვისტოს, „გრენობლისა” და „ხეტაფეს” წინააღმდეგ ჩაატარებს.
Ok Zuriko. Y'a pire comme premier but en Vert. 😁 pic.twitter.com/nUfvRd7ot1
— AS Saint-Étienne (@ASSEofficiel) July 27, 2024
🔙 Vous l'avez manqué ? ⚽️💚
Voici le troisième but inscrit par les Verts en toute fin de match, signé Zuriko Davitashvili ! 👏 pic.twitter.com/PdMvpKqXZn
— AS Saint-Étienne (@ASSEofficiel) July 27, 2024