საბურთალოს რაიონის გამგეობა მერაბ კოსტავას ქუჩის N74-ში ინფრასტრუქტურულ პროექტს ახორციელებს. სამუშაოების პირველ ეტაპზე, 10 ავტოფარეხის დემონტაჟი განხორციელდა. 930 კვ. მ. ფართობზე სანიაღვრე ქსელის მოწყობის სამუშაოები მიმდინარეობს, რის შემდეგაც ასფალტის ახალი საფარი დაიგება.
პროექტის ფარგლებში, ასევე ეწყობა საბავშვო-გასართობი ზონა, სტრიტ ბოლი, განათებისა და სარწყავი ქსელები. სამუშაოების დასკვნით ეტაპზე, დაირგვება რულონური ბალახი და სხვადასხვა ჯიშის ხე-მცენარე.
აღნიშნულ ტერიტორიაზე „ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში, უკვე განხორციელდა წყლისა და წყალარინების ქსელის რეაბილიტაცია.
პროექტის ჯამური ღირებულება 270 000 ლარია.
მიმდინარე სამუშაობს საბურთალოს რაიონის გამგებელი გიზო ვასაძე გაეცნო.
