ლევან მაჭავარიანი: „ნაციონალურმა მოძრაობამ“ ხელი მოაწერა ისეთ მოღალატეობრივ ჩანაწერს, სადაც წერია, რომ მათვე შეუქმნეს რუსეთს სამართლებრივი საფუძველი იმისთვის, რომ აგრესია განეხორციელებინა
„ნაციონალურმა მოძრაობამ“ ხელი მოაწერა ისეთ მოღალატეობრივ ჩანაწერს, სადაც წერია, რომ მათვე შეუქმნეს რუსეთს სამართლებრივი საფუძველი იმისთვის, რომ აგრესია განეხორციელებინა”, – ამის შესახებ ფრაქცია „ქართული ოცნების“ თავმჯდომარის მოადგილე ლევან მაჭავარიანმა „ქრონიკას“ განუცხადა.
„სწორედ ჩვენ მოვუგეთ რუსეთს პროცესი სტრასბურგსა და ჰააგაში, სადაც რუსეთ ოკუპანტი დაერქვა. ბევრი კითხვა ისმის, რატომ იწყება ეს გამოძიება ახლა?! ამის მთავარი მიზეზია, რომ ჩვენ ვართ პასუხისმგებლიანი ხელისუფლება. ჩვენ შეგვეძლო ეს ყველაფერი ხელისუფლებაში მოსვლისთანავე დაგვეწყო, თუმცა ჯერ ჩვენ ეს პროცესები გვქონდა მოსაგები იმისათვის, რომ ყველანაირი რისკი გადაგვეზღვია ჩვენი სამხედროებისთვის, რომ არავის დაჰბრალებოდა ტყუილად ომის დანაშაული, ადამიანის უფლებების დარღვევა და ა.შ. ამიტომ, როდესაც ჩვენ ყველა ეს რისკი გადავაზღვიეთ, სწორედ მაგიტომ დადგა მომენტი, რომ „ნაციონალურმა მოძრაობამ“ საჯაროდ, სასამართლოს წინაშე ამ კითხვებს პასუხები გასცეს“, – აღნიშნა ლევან მაჭავარიანმა.
მმართველი გუნდი „ნაციონალური მოძრაობისთვის“ სამართლებრივი პასუხისმგებლობის დაკისრებისთვის ემზადება. ფორმა ჯერ გადაწყვეტილი არ არის, თუმცა „ქართულ ოცნებაში“ ამბობენ, რომ 2008 წლის აგვისტოს ომის დანაშაულებისთვის ყოფილმა სახელისუფლებო ძალამ პასუხი სწორედ სამართლებრივად უნდა აგოს.