გიორგი ქოჩორაშვილი: დიდი მადლობა ლევანტეს ამ ინიციატივისთვის და საქართველოს ფეხბურთის ფედერაციას მხარდაჭერისთვის!
საფეხბურთო კლუბი Levante UD საქართველოში ტალანტების ძებნას იწყებს. სინჯები მომავალ კვირაში ჩატარდება. ამასთან დაკავშირებით საქართველოს ეროვნული ნაკრების და საფეხბურთო კლუბ Levante UD-ის ფეხბურთელი გიორგი ქოჩორაშვილი სოციალურ ქსელში პოსტს აქვეყნებს:
„მოგესალმებით, მეგობრებო,
ძალიან ბედნიერი ვარ, რომ მაქვს შესაძლებლობა, გაგიზიაროთ ამბავი საქართველოში ლევანტეს საწვრთნელი ბანაკის შესახებ.
19-20 აგვისტოს, ლევანტე, საქართველოს ფეხბურთის ფედერაციის მხარდაჭერით, დიდი დიღმის საფეხბურთო ცენტრში უმასპინძლებს 2006-2011 წლებში დაბადებულ ახალგაზრდა ფეხბურთელებს.
საწვრთნელი ბანაკის შემდეგ შეირჩევა 10 ფეხბურთელი, რომლებსაც საშუალება ექნებათ, მიიღონ მონაწილეობა ლევანტეს პროექტ PLAYER EXPERIENCE-ში და ორი კვირა გაატარონ ლევანტეს აკადემიაში და მიიღონ ის ცხოვრებისეული და სპორტული გამოცდილება, რაც დაეხმარებათ, რომ გახდნენ უკეთესი ადამიანები და პროფესიონალები. პირობების შესახებ დეტალური ინფორმაციას იხილავთ ლევანტეს პოსტში Levante UD .
ჩემთვის ძალიან მნიშვნელოვანია, რომ ახალგაზრდა ქართველ ფეხბურთელებს ექნებათ იმ ყველაფრის ნახვისა და საკუთარ თავზე გამოცდის შანსი, რაც მე დამეხმარა, რომ მივსულიყავი ჩემს მიზნებთან.
დიდი მადლობა ლევანტეს ამ ინიციატივისთვის და საქართველოს ფეხბურთის ფედერაციას მხარდაჭერისთვის.
შეხვედრამდე! ! 
“ – წერს გიორგი ქოჩორაშვილი.