„Bloomberg“: თუ დასავლეთი იარაღის გამოყენებაზე დაწესებულ შეზღუდვას არ მოხსნის, უკრაინის შეტევა კურსკზე უშედეგო იქნება

ანი მათიაშვილი On 22.08.24 11:30 80

In this photo provided by South Korea Defense Ministry, U.S. Army Tactical Missile System fires a missile during the combined military exercise between the U.S. and South Korea against North Korea at an undisclosed location in South Korea, Saturday, July 29, 2017. North Korean leader Kim Jong Un said Saturday the second flight test of an intercontinental ballistic missile demonstrated his country can hit the U.S. mainland, hours after the launch left analysts concluding that a wide swath of the United States, including Los Angeles and Chicago, is now in range of North Korean weapons. (South Korea Defense Ministry via AP)

უკრაინის სამხედრო ოპერაცია რუსეთის კურსკის ოლქში უშედეგო აღმოჩნდება, თუ დასავლური პარტნიორები კიევს მათ მიერ მიწოდებული შორი მოქმედების იარაღის გამოყენების ნებას არ დართავენ. ინფორმაციას „Bloomberg“ ავრცელებს.

საქმე ეხება ამერიკული „ხმელეთი-ხმელეთის“ ტიპის ATACAMS-ის რაკეტებს, ბრიტანულ, ფრანგულ და გერმანულ ფრთოსან რაკეტებს Storm Shadow, SCALP-EG და Taurus, რომლებიც უკრაინას რუსეთის შუაგულში მდებარე ხიდების, იარაღის საწყობების და პირველ რიგში აეროპორტების ეფექტური განადგურების საშუალებას მისცემდა.

თუ უკრაინის შეტევა კურსკის ოლქზე უკრაინის მოკავშირეების აქტივიზაციას გამოიწვევს და დასავლური ქვეყნების ლიდერები მოხსნიან შეზღუდვებს, ოპერაცია განსაკუთრებით შედეგიანი აღმოჩნდება.

წინააღმდეგ შემთხვევაში, უკრაინის პოტენციური სტრატეგიული მიღწევები კურსკის ოლქში გაქარწყლდება. უკრაინა, დიდი ალბათობით, დონბასში მდებარე საკვანძო სატრანსპორტო დასახლება პოკროვსკს დაკარგავს, ხოლო რუსეთის პრეზიდენტი ვლადიმირ პუტინი დონეცკისა და ლუგანსკის რეგიონების დაპყრობას გააგრძელებს, ასკვნის სტატიის ავტორი.