ბერგამოს „ატალანტისა“ და ნიდერლანდების ნაკრების ნახევარმცველი ტენ კოპმეინერსი კარიერას „იუვენტუსში“ გააგრძელებს.
როგორც ჟურნალისტი ჯანლუკა დი მარციო წერს, კლუბებმა შეათანხმეს 26 წლის ფეხბურთელის ტრანსფერის თანხა, რომელიც 52 მილიონ ევროს უდრის, რასაც 6 მილიონი ბონუსის სახით დაემატება.
კოპმეინერსი ოთხშაბათს გაივლის სამედიცინო შემოწმებას „იუვენტუსისთვის“, რის შემდეგაც „ბიანკონერისთან“ ხუთწლიან კონტრაქტს გააფორმებს. ნიდერლანდელის ხელფასი სეზონში 4 მილიონი ევრო იქნება.
2023-24 წლების სეზონში კოპმეინერსმა 51 ოფიციალურ მატჩში 15 გოლი გაიტანა და შვიდი შედეგიანი გადაცემა შეასრულა.