რომის პაპმა, ფრანცისკემ მიგრანტების მიმართ დამოკიდებულება მკაცრად დაგმო.
„არსებობენ ისეთებიც, რომლებიც სისტემატურად და ყველა გზით მუშაობენ იმისთვის, რომ მიგრანტები განდევნონ. ეს მძიმე ცოდვაა“, – თქვა რომის პაპმა ყოველკვირეული სიტყვით გამოსვლის დროს.
როგორც უცხოური მედია წერს, რომის პაპს თავისი 11-წლიანი მმართველობის დროს მიგრანტების შესახებ არაერთხელ უსაუბრია.
„ახლა კი პონტიფიკოსმა კათოლიკური ტერმინოლოგიიდან ცოდვის აღსაწერად ყველაზე მძიმე სიტყვა გამოიყენა“, – წერს უცხოური მედია.
ინფორმაციისთვის, მიგრაციის საერთაშორისო ორგანიზაციის მონაცემებით, 2014 წლიდან ხმელთაშუა ზღვის გადაკვეთისას 30 000-ზე მეტი მიგრანტი დაიკარგა.
როგორც ცნობილია, მიგრანტები ხმელთაშუა ზღვის გადაკვეთას ხელნაკეთი ნავებით ცდილობენ.