საბურთალოს რაიონში ინფრასტრუქტურული პროექტები აქტიურ რეჟიმში ხორციელდება. ამჯერად, საგზაო სამუშაოები ნასიძის ქუჩაზე არსებულ შიდა ეზოში მიმდინარეობს.
სამუშაოების ფარგლებში, 700 კვ. მ. ფართობზე იგება ასფალტის საფარი, რის შემდეგაც მოსახლეობისათვის გადაადგილება უფრო კომფორტული გახდება.
პროექტისთვის საბურთალოს რაიონის გამგეობის ბიუჯეტიდან 63 000 ლარია გამოყოფილი. სამუშაოებს შპს „ელ ენდ ელი“ აწარმოებს.
მიმდინარე სამუშაოებს საბურთალოს რაიონის გამგებელი გიზო ვასაძე გაეცნო.
