გიორგი გამსახურდია: კიდევ ერთხელ გირჩევთ მანდ ჩაბუდებულებს, ახლავე ავანსად გაუყვეთ რუსული ხომალდის გზას!
„ზუსტად იყავით დარწმუნებული, ნურც ლაიქებით და რაღაც ლატენტური პოსტებით ნუ ამოიგდებთ ბეჭს, მაინც არ მოვა ის ძალა, ვინც თქვენ გინდათ. გარანტირებულად თან”, – ამის შესახებ სოციალურ ქსელში გიორგი გამსახურდია წერს და საქართველოს საგარეო საქმეთა სამინისტროს განცხადებას ეხმიანება, რომელიც სომხეთის რესპუბლიკაში საქართველოს საელჩოს პირველი მდივნის, ალექსანდრე გოგოლაძის მიმართ დისციპლინარული წარმოების განხორციელების ფაქტს ეხება.
„ასეთი მწირი ჭკუის, რამდენია მიძინებული და თავიანთი ქათმის ტვინებით, შესაბამის მომენტს ელოდებიან. ეგ მომენტი არასდროს დადგება, ისე, რომ იცოდეთ, ზუსტად იყავით დარწმუნებული, ნურც ლაიქებით და რაღაც ლატენტური პოსტებით ნუ ამოიგდებთ ბეჭს, მაინც არ მოვა ის ძალა, ვინც თქვენ გინდათ. გარანტირებულად თან.
კიდევ ერთხელ გირჩევთ მანდ ჩაბუდებულებს, ახლავე ავანსად გაუყვეთ რუსული ხომალდის გზას“, – წერს გამსახურდია.