„ვშიშობ, თუ დონალდ ტრამპს არ დავიცავთ, მის დაკრძალვაზე ვისაუბრებთ”, – ამის შესახებ ტრამპის ადმინისტრაციაში აშშ-ის ეროვნული დაზვერვის სამსახურის დირექტორის მოვალეობის შემსრულებელმა რიჩარდ გრენელმა განაცხადა.
„როდესაც ხედავთ იმ საფრთხეებს, რომლებიც აშკარად არსებობს პრეზიდენტი ტრამპის მიმართ, მე არ მივიჩნევ, რომ ჩვენ ამ საფრთხის შესაბამისად ვმოქმედებთ. უნდა იყოს შეფასება. და ამ ქვეყანაში ჩვენ საკმარისად მდიდრები ვართ და საკმარისად წარმატებულნი ვართ იმისთვის, რომ შევძლოთ, საფრთხის შესაბამის დონეზე დავიცვათ საპრეზიდენტო კანდიდატი და ყოფილი პრეზიდენტი, რომელიც, შეიძლება, მომავალი პრეზიდენტი გახდეს“, – აღნიშნა რიჩარდ გრენელმა.