2026 წლამდე SpaceX-ი მარსზე 5 ხომალდის გაშვებას აპირებს. კომპანიის ხელმძღვანელის, ილონ მასკის თქმით, თუ Starship-ის ხომალდების უპილოტო მისიები წარმატებით დაეშვება, მაშინ 4 წელიწადში შესაძლებელია ეკიპაჟის თანხლებით მისიების განხორციელება.
ბიზნესმენი ასევე წარმოების და მარსის მიმართულებით SpaceX-ის რეისების გეომეტრიული პროგრესიით ზრდას პროგნოზირებს.
„გვსურს, რომ ნებისმიერმა, ვისაც კოსმოსში მოგზაურობა უნდა, შეძლოს მარსზე გამგზავრება. საბოლოო ჯამში, მარსზე ათასობით Starship-ის ხომალდი გაემგზავრება და ეს ჩინებული სანახაობა იქნება“, – წერს მილიარდერი.