შოთიკო ტატიშვილი „ქართული ოცნების“ მხარდამჭერ ღონისძიებაზე: მიხარია, რომ საშუალება ეძლევა რეგიონებში მცხოვრებ ხალხს იზეიმოს ერთობა, მშვიდობა და ის არჩეული გზა, რომელიც ქართველმა ერმა ავირჩიეთ და მჯერა, რომ კიდევ ავირჩევთ
ფოთში, „ქართული ოცნების“ მხარდამჭერი ღონისძიება მიმდინარეობს.
სცენას ჯგუფი ბანი, ნუცა ბუზალაძე და ბენდი, ზუკა ხუციშვილი და შოთიკო ტატიშვილი იკავებენ.
მხოლოდ მშვიდობით, მხოლოდ ღირსებით, მხოლოდ კეთილდღეობით ევროპისკენ – მომღერლები სრულად იზიარებენ „ქართული ოცნების“ პოლიტიკას და მმართველ პარტიას მხარდაჭერას უცხადებენ.
„ძალიან მიხარია, რომ რეგიონის მასშტაბით ტარდება ასეთი საოცარი კონცერტები და საშუალება ეძლევა რეგიონებში მცხოვრებ ხალხს, რომ იზეიმოს ერთობა, მშვიდობა და ის არჩეული გზა, რომელიც ქართველმა ერმა ავირჩიეთ და მჯერა, რომ კიდევ ერთხელ ავირჩევთ ამ გზას“, – განაცხადა შოთიკო ტატიშვილმა.
„ქართული ოცნების“ მხარდამჭერი ღონისძიება მიმდინარეობს ქუთაისშიც, სადაც ღამის შოუს ბენდი, თეატრალური კვარტეტი, თიკა მახალდიანი, სალომე ბაკურაძე და გია ნიკოლაძე იკავებენ სცენას.