გია აბაშიძე: მოკავშირეებმა მიატოვეს რუსული ოკუპაციისგან ჩამოქცეული უკრაინა? სადაა ქმედითი მხარდაჭერა?! – ჩეხეთის პრეზიდენტმა განაცხადა, რომ უკრაინელებმა და მათმა მხარდამჭერებმა დროებით უნდა მიიღონ რუსეთის მიერ ქვეყნის ნაწილის ოკუპაცია
ანალიტიკოსი გია აბაშიძე ჩეხეთის პრეზიდენტის, პეტრ პაველის განცხადებას ეხმიანება, რომელმაც უკრაინაში მიმდინარე ომის შესახებ ისაუბრა და აღნიშნა, რომ “ომის ყველაზე სავარაუდო შედეგი ის იქნება, რომ უკრაინის ტერიტორიის ნაწილი დროებით რუსეთის ოკუპაციის ქვეშ მოხვდება, მაგრამ დროებითი რამ შეიძლება გაგრძელდეს წლების განმავლობაში.”
აბაშიძის თქმით, უკრაინის ერთ-ერთი ყველაზე ძლიერი მხარდამჭერის, ჩეხეთის პრეზიდენტის მიერ მსგავსი სახის განცხადება იმაზე მიუთითებს, რომ მოსკოვის უკან დახევის შესახებ საუბარი მხოლოდ ფარისევლობა ყოფილა და მოკავშირეებმა რუსული ოკუპაციისგან ჩამოქცეული უკრაინა ქმედითი დამხარების გარეშე მიატოვს.
“რა, მოკავშირეებმა მიატოვეს რუსული ოკუპაციისგან ჩამოქცეული უკრაინა? სადაა ქმედითი მხარდაჭერა?! გამოდის, რომ ყველაფერი ის, რაც მოსკოვის უკან დახევას ეხებოდა, ფარისევლური ბლა ბლა იყო! The New York Times-თან ინტერვიუში ჩეხეთის პრეზიდენტმა პეტრ პაველმა, ნატოს ყოფილმა მაღალჩინოსანმა გენერალმა, რომელიც უკრაინის ერთ-ერთი ყველაზე ძლიერი მხარდამჭერია რუსეთთან ომში, განაცხადა, რომ უკრაინელებმა და მათმა მხარდამჭერებმა დროებით უნდა მიიღონ რუსეთის მიერ ქვეყნის ნაწილის ოკუპაცია. ინტერვიუში, რომელსაც უკრაინული მედიაც ავრცელებს, აღნიშნულია: პაველი ხაზს უსვამს რეალიზმისა და კომპრომისის მნიშვნელობას უკრაინისა და რუსეთის მომავლის ფორმირებაში, რადგან მაქსიმალისტური მიზნები შესაძლოა, მიუღწეველი იყოს. ჩეხეთის პრეზიდენტის განცხადებები ემთხვევა მემარჯვენე-ცენტრისტული მთავრობების პოზიციას და ხაზს უსვამს მისი სამხედრო წარმომავლობის გავლენას უსაფრთხოების საკითხებზე. ევროპელი ოფიციალური პირები სულ უფრო და უფრო ეჭვობენ უკრაინის დაკარგული ტერიტორიების დაბრუნებაზე, რაც აჩენს კითხვებს ქვეყნის პერსპექტივების შესახებ ოკუპირებული ტერიტორიების დაბრუნების შესახებ. ზელენსკის მოწოდება მეტი საერთაშორისო მხარდაჭერისთვის და მომავალი სამშვიდობო სამიტი ნოემბერში მიუთითებს რუსეთთან კონფლიქტის მოგვარების მცდელობებზე”, – წერს აბაშიძე სოციალურ ქსელში.