დავით ქართველიშვილი: საქართველოს და ქართველობის მტრებს და “დაუძინებელ მეგობრებს” ჩვენი გან-ქართველობისა და გან-სულიერებისთვის ბრძოლა წაგებული აქვთ
პარტია „ხალხის ძალის“ წევრი დავით ქართველიშვილი „ქართული ოცნების“ წინასაარჩევნო კამპანიის ფარგლებში გამართულ რეგიონულ ღონისძიებებს სოციალურ ქსელში ეხმიანება.
„კახელების ხმა შეიძლება ამ არჩევნებში “ფლაგმანი” იყოს, მაგრამ 41-იანელებით გავსებული წალენჯიხა იმის დასტურია, რომ 41-ს ვერსად ვერ დაამარცხებენ,“– წერს ექსპერტი სოციალურ ქსელში და აღნიშნავს, 26 ოქტომბერს საქართველოს უახლოეს ისტორიაში ახალი ათვლის წერტილი დაიწყება.
„კახელების ხმა შეიძლება ამ არჩევნებში “ფლაგმანი” იყოს, მაგრამ 41-იანელებით გავსებული წალენჯიხა იმის დასტურია, რომ 41-ს ვერსად ვერ დაამარცხებენ. ვერ დაამარცხებენ კახელებს, რომლებსაც არაერთგზის შეუბილწეს მათი მთავარი სიამაყე – ვენახი და ღვინო. ვერ დაამარცხებენ კახელებს, რომელთა სიამაყეს ერეკლე მეორეს დღეს КГБ-ს “ნასედკები” ებრძვიან. ვერ დაამარცხებენ კახელებს ისევე, როგორც ვერ დაამარცხეს დღევანდელი არაქართველების იდეურმა წინაპრებმა 400 წლის წინ კახეთისა და საქართველოს, ქალობისა და მართლმადიდებლობის ეტალონი – წმინდა დიდმოწამე ქეთევან დედოფალი. საქართველოს და ქართველობის მტრებს და “დაუძინებელ მეგობრებს” ჩვენი გან-ქართველობისა და გან-სულიერებისთვის ბრძოლა წაგებული აქვთ, კახეთშიც და სრულიად საქართველოში. კახელებისა და ზოგადად, ქართველების მიმართ სიამაყით მამოძრავებელ ამ პოსტს მოტეხილი ხელით ვწერთ – ანუ, ჩემი დამარცხებაც არ გამოვა. 26 ოქტომბერს ქვეყნის უახლოეს ისტორიაში ახალი ათვლის წერტილი დაიწყება,“– წერს დავით ქართველიშვილი სოციალურ ქსელში.