ტრამპი: მსოფლიო ცეცხლშია გახვეული და ამ დროს ჩვენ არ გვყავს ხელმძღვანელობა, არავინ მართავს ქვეყანას
„რესპუბლიკური“ პარტიის საპრეზიდენტო კანდიდატი და აშშ-ის ყოფილი პრეზიდენტი, დონალდ ტრამპი ისრაელის წინააღმდეგ ირანის სარაკეტო თავდასხმას ეხმაურება.
„მსოფლიო ცეცხლშია გახვეული და ამ დროს ჩვენ არ გვყავს ხელმძღვანელობა, არავინ მართავს ქვეყანას. ჩვენ გვყავს არარსებული პრეზიდენტი, ჯო ბაიდენი და ვიცე-პრეზიდენტი, კამალა ჰარისი, რომელიც ადგილზე არ იმყოფება. არავინ არის პასუხისმგებელი და არც კი არის ნათელი, ვინ არის უფრო დაბნეული: ბაიდენი თუ კამალა. არცერთს არ აქვს წარმოდგენა, რა ხდება“, – აღნიშნა დონალდ ტრამპმა.
„როდესაც მე ვიყავი პრეზიდენტი, ჩვენ არ გვქონდა ომი ახლო აღმოსავლეთში, ომი ევროპაში, იყო ჰარმონია აზიაში. ჩვენ გვქონდა მშვიდობა. ახლა ომი ან ომის საფრთხე ყველგან მძვინვარებს და ამ ქვეყანას მართავს ორი არაკომპეტენტური ადამიანი, რომლებსაც მივყავართ მესამე მსოფლიო ომისკენ. გასაკვირი არ არის, რომ ირანს ძალიან სურს, კამალა ჰარისი იყოს პრეზიდენტი, რადგან მათ იციან, სანამ ის ხელისუფლებაშია, შეუძლიათ, ისარგებლონ ამით“, – დასძინა მან.