თამთა მეგრელიშვილი: ამერიკული აუდიტორული კომპანიის ანგარიში პასუხს სცემს ყველა მითს, დეზინფორმაციას თუ კითხვას – პოლიტიკურ რეპუტაციას ურტყამს ოპოზიციის მცდელობა საერთაშორისო დონეზე დადებითად შეფასებულ და პოლიტიკურად აღიარებულ არჩევნებს უნდობლობა გამოუცხადოს
“ამერიკულმა აუდიტორულმა კომპანიამ „pro v&v“-მ შესაბამისობის აუდიტის ორი ეტაპის შედეგები გადმოსცა. კომპანიის მიერ წარმოდგენილი ანგარიში პასუხს სცემს ყველა გავრცელებულ მითს, დეზინფორმაციას თუ კითხვას, რომელიც ტექნოლოგიებთან მიმართებაში არსებობს”, – წერს „ხალხის ძალის“ წევრი თამთა მეგრელიშვილი სოციალურ ქსელში.
მისი განცხადებით, აუდიტმა დაადასტურა, რომ საარჩევნო ელექტრონული აპარატები მუშაობს გამართულად, რაც შეეხება „ქართულ ოცნებას“, 2012 წლიდან მოყოლებული 2024 წლის არჩევნების შედეგების გათვალისწინებით აქვს უწყვეტი პოლიტიკური.
მეგრელიშვილის თქმით, ბარიერგადალახული პარტიები სჯობს განეწყონ პარლამენტისათვის და საკუთარი ამომრჩევლისათვის მაინც რამე გააკეთონ.
“ამერიკულმა აუდიტორულმა კომპანიამ „pro v&v“-მ შესაბამისობის აუდიტის ორი ეტაპის შედეგები გადმოსცა. კომპანიის მიერ წარმოდგენილი ანგარიში პასუხს სცემს ყველა გავრცელებულ მითს, დეზინფორმაციას თუ კითხვას, რომელიც ტექნოლოგიებთან მიმართებაში არსებობს. აუდიტმა დაადასტურა, რომ საარჩევნო ელექტრონული აპარატები მუშაობს გამართულად. საწყისი კოდის რევიზიისა და კონფიგურაციის აუდიტის შედეგად დგინდება, რომ ცესკოს სერვერებზე არსებული ამომრჩეველთა სიები შესაბამისობაშია აპარატში ჩატვირთულ სიებთან. ამომრჩეველთა სიაში ამომრჩევლის დუბლირება არის შეუძლებელი და ერთი ამომრჩეველი მხოლოდ ერთხელაა სიაში შეყვანილი. ვერიფიკაციის აპარატიდან ამობეჭდილი ამომრჩეველთა სია არის ზუსტად ის სია, რომელიც ჩაწერილია ვერიფიკაციის აპარატში. ერთი ამომრჩევლის ხმა არის ერთი ხმა და ტექნოლოგიურად შეუძლებელია მისი არჩევანის მოდიფიცირება ან შეცვლა. აპარატიდან ამობეჭდილი წინასწარი შედეგების ამონაწერი (ქვითარი) შეიცავს მხოლოდ იმ მონაცემებს, რომლის გენერირებასაც ახდენს ტექნოლოგია.
ამერიკული აუდიტორული კომპანიის „pro v&v“-მ შესაბამისობის აუდიტის ორი ეტაპის შედეგების შედეგად ფაქტობრივად დასტურდება, რომ გაყალბება რომელზეც აპელირებს ოპოზიცია,პოლიტიკურად პრინციპულად მიუღებელი იყო მმართველი ძალისთვის. “ქართულ ოცნებას”2012 წლიდან მოყოლებული 2024 წლის არჩევნების შედეგების გათვალისწინებით აქვს უწყვეტი პოლიტიკური მანდატი ამომრჩეველთა უმრავლესობისაგან და ამ ნდობას ის საქმით ამართლებს. მინაწერი: უადგილოა და მათ პოლიტიკურ რეპუტაციას ურტყამს ოპოზიციის მცდელობა საერთაშორისო დონეზე დადებითად შეფასებულ და პოლიტიკურად აღიარებულ არჩევნებს უნდობლობა გამოუცხადონ. პოლიტიკოსობანას თამაში შეგიძლიათ სახლში ითამაშოთ, ბარიერგადალახული პარტიები განეწყვეთ პარლამენტისათვის და თქვენი ამომრჩევლისათვის მაინც რამე გააკეთეთ”, – წერს თამთა მეგრელიშვილი.