პრემიერ-მინისტრი ირაკლი კობახიძე უნგრეთის პრემიერ-მინისტრის და მისი დელეგაციის საქართველოში ვიზიტს სოციალურ ქსელში ეხმაურება.
„მოხარული ვარ, რომ ვუმასპინძლე უნგრეთის პრემიერ-მინისტრ ვიქტორ ორბანს და მის დელეგაციას საქართველოში! ეს ვიზიტი ადასტურებს ჩვენს ქვეყნებს შორის არსებულ ძლიერ მეგობრობას, რომელიც საერთო ღირებულებებსა და ურთიერთპატივისცემას ეფუძნება.
უნგრეთის მხარდაჭერით წინ მივიწევთ ევროკავშირში ინტეგრაციის გზაზე, რაც ჩვენი საგარეო პოლიტიკის მთავარი პრიორიტეტია.
ვაფასებთ უნგრეთის მნიშვნელოვან როლს, განსაკუთრებით ევროკავშირის საბჭოს თავმჯდომარეობის პერიოდში, ჩვენთვის ევროკავშირის კანდიდატის სტატუსის მონიჭების პროცესში.
ერთად ვაფართოებთ თანამშრომლობას პოლიტიკურ, ეკონომიკურ და სოციალურ სფეროებში და ვაძლიერებთ თანამშრომლობის ყველა მიმართულებას.
მადლობას ვუხდი უნგრეთს ურყევი მხარდაჭერისა და ერთგულებისთვის!“ – წერს კობახიძე.
🇬🇪🤝🇭🇺 Glad to welcome @PM_ViktorOrban and Hungarian delegation in Georgia! This visit is a testament to the close friendship between our nations, built on shared values and mutual respect. With Hungary’s support, we’re advancing on our path toward EU integration—our top foreign… pic.twitter.com/zcAwVhLT9n
— Irakli Kobakhidze (@PM_Kobakhidze) October 29, 2024