გიორგი ვოლსკი: ყველას, ვინც არჩევნების მეორე დღესვე დაუფიქრებლად გამოაცხადა, რომ არჩევნები არის გაყალბებული, შესაბამისი დოკუმენტის წარდგენა მართებს
პარლამენტის თავმჯდომარის პირველი მოადგილე გიორგი ვოლსკი თვლის, რომ ყველა, ვინც საპარლამენტო არჩევნებზე ამბობს, რომ გაყალბებულია, შესაბამისი დოკუმენტები უნდა წარმოადგინოს.
“ვფიქრობ, არა მარტო სალომე ზურაბიშვილს, არამედ ყველა სხვა სტრუქტურას, თუნდაც არასამთავრობო ორგანიზაციას, ვინც არჩევნების მეორე დღესვე დაუფიქრებლად გამოაცხადეს, რომ არჩევნები არის გაყალბებული, შესაბამისი დოკუმენტის წარდგენა მართებს”, – აღნიშნა ვოლსკიმ.