Newsweek: პენსილვანიის შტატის ბედფორდისა და კამბრიის ოლქებში ხმის მიცემის მოწყობილობასთან დაკავშირებით ხარვეზი დაფიქსირდა
პენსილვანიის შტატის ბედფორდისა და კამბრიის ოლქებში ხმის მიცემის მოწყობილობასთან დაკავშირებით ხარვეზი დაფიქსირდა. ინფორმაციას ამის შესახებ ამერიკული გამოცემა Newsweek ავრცელებს.
გავრცელებული ინფორმაციით, კამბრიის ოლქში რამდენიმე საარჩევნო უბანზე ბიულეტენისთვის განკუთვნილი რამდენიმე სკანერი ამჟამად არ მუშაობს.
ბედფორდის ოლქში, ხარვეზი დაფიქსირდა ხმის მიცემის მანქანების გახსნასთან დაკავშირებით, თუმცა პრობლემა სწრაფად მოგვარდა.
პენსილვანიის შტატის სახელმწიფო დეპარტამენტმა განაცხადა, რომ კონტაქტზეა კამბრიის ოლქის ოფიციალურ პირებთან ტექნიკური საკითხების მოსაგვარებლად.