სტოლტენბერგი: ახლა უკრაინელების დანებებაზე საუბრის დრო არ არის – ეს უკრაინელებისთვის ტრაგედია იქნება
ნატოს გენერალურმა მდივანმა, იენს სტოლტენბერგმა განაცხადა, რომ არ ეთანხმება რომის პაპის კომენტარს იმის შესახებ, რომ უკრაინამ მოლაპარაკება უნდა აწარმოოს ომის დასრულების შესახებ.
“თუ ჩვენ გვსურს, მივაღწიოთ გრძელვადიან სამშვიდობო გადაწყვეტას მოლაპარაკებების გზით, ამის გზა არის უკრაინის სამხედრო მხარდაჭერით უზრუნველყოფაა”, – აღნიშნა ნატოს გენერალურმა მდივანმა.
“ის, რაც ხდება მოლაპარაკების მაგიდის გარშემო, განუყოფლად უკავშირდება ბრძოლის ველზე სიძლიერეს. ახლა უკრაინელების დანებებაზე საუბრის დრო არ არის. ეს უკრაინელებისთვის ტრაგედია იქნება. ასევე საშიში იქნება ყველა ჩვენგანისთვის”, – დასძინა მან.