კახა კალაძე: მინდა ვისარგებლო შემთხვევით, მადლობა გადავუხადო ბიჭებს ბრძოლისთვის, ფაქტობრივად, გული და სული ჩადეს, ფრეს რაც შეეხება, დაკარგული არაფერია
“მინდა ვისარგებლო შემთხვევით, მადლობა გადავუხადო ბიჭებს ბრძოლისთვის, ფაქტობრივად გული და სული ჩადეს”, – განაცხადა თბილისის მერმა კახა კალაძემ ვიდეოჩართვაში საქართველო-უკრაინის საფეხბურთო ნაკრებების შეხვედრების შემდეგ.
როგორც კახა კალაძემ აღნიშნა, ჩეხეთში გადამწყვეტი შეხვედრა იქნება.
„ძალიან დაძაბული შეხვედრა იყო. ფრედ დავამთავრეთ აღნიშნული შეხვედრა. პირველ ტაიმში, სამწუხაროდ ერთით ნულს ვაგებდით და ძალიან რთული იყო სწრაფი მიღებული გოლის შემდეგ თამაში, თუმცა ბიჭებმა მართლაც ძალიან მაგრად იბრძოლეს, გული და სული ჩადეს აღნიშნულ შეხვედრაში. გვქონდა შესაძლებლობა მოგების, თუმცა, ფრეს რაც შეეხება, დაკარგული არაფერია. ჩეხეთში, ვიტყოდი, რომ გადამწყვეტი შეხვედრა იქნება.
ცხადია, შეცდომები იყო, ამაზე არ მინდა ახლა საუბარი და თამაშის ანალიზს არ დავიწყებ. ვინც ფეხბურთში ერკვევა, კარგად ხვდება ყველაფერს, თუ რა შეცდომები იყო. თუმცა, ამ ყველაფრის მიუხედავად მინდა წარმატებები ვუსურვო. მადლობა კიდევ ერთხელ ბიჭებს. წარმატებები, გამარჯვებები.
მინდა ასევე ქართველ გულშემატკივარს იმ საოცარი გულშემატკივრობისთვის და ქომაგობისთვის ძალიან დიდი მადლობა გადავუხადო. საოცარი მუხტი იგრძნობოდა სტადიონზე, ისეთი მაგარი ქომაგობა მიმდინარეობდა მთელი 90 წუთის განმავლობაში. მართლაც სასწაული იყო და მადლობა თითოეულ ქართველს.
დარწმუნებული ვარ, გოლი, რომელიც გავიტანეთ გაუხარდა ძალიან ბევრ ადამიანს, ყველა იმ ადამიანს, ყოველ შემთხვევაში, ვისაც ჩვენი ქვეყანა უყვარს და ვისაც უხარია ამ ქვეყნის მომავალი. არიან ისეთებიც, ვისაც გული დასწყდა, საქართველომ რომ გაათანაბრა. რას ვიზამთ, ბრიყვებზე აღარ დავიწყებ საუბარს. კიდევ ერთხელ მინდა ჩვენი ბიჭები გავამხნეო, ქართველ გულშემატკივარს მადლობა, წარმატებები და გამარჯვებები ვუსურვო ჩვენს ნაკრებს ჩეხეთთან შეხვედრაში“, – აღნიშნა კახა კალაძემ.