მიხეილ სარჯველაძეს რომ განათლება აქვს, ისეთი მთელ ოპოზიციას, რომ დააწებო ერთმანეთზე, არ აქვს – ბექა ოდიშარია
“მიხეილ სარჯველაძეს რომ განათლება აქვს, ისეთი მთელ ოპოზიციას, რომ დააწებო ერთმანეთზე, არ აქვს”, – ამის შესახებ „ქართული ოცნების“ დეპუტატმა ბექა ოდიშარიამ ჯანდაცვის ახალ მინისტრზე საუბრისას ჟურნალისტებთან განაცხადა.
მისივე თქმით, მიხეილ სარჯველაძე ძლიერი პოლიტიკოსი და კარგი მენეჯერია.
“თავდაცვის სამინისტროებს ხელმძღვანელობენ სამოქალაქო პირები და ეს მიღებული პრაქტიკაა. მიხეილ სარჯველაძეს რომ განათლება აქვს, ისეთი მთელ ოპოზიციას, რომ დააწებო ერთმანეთზე, არ აქვს. მას აქვს მენეჯერული გამოცდილება, ბეჯითი და დინჯი დამოკიდებულება, საკითხების სიღრმისეული შესწავლის უნარი. ამიტომ სარჯველაძე სწორედ, იმით არის ძლიერი პოლიტიკოსი და მენეჯერი, რომ ის არ იჩქარებს. ცვლილებებს ჩაატარებს მეთოდურად, ანალიზზე დაფუძნებულად და არა დაჩქარებულად”, – განაცხადა ბექა ოდიშარიამ.