უკრაინის ელჩი ბრაზილიაში: უკრაინისთვის ეს რვა კვირა ყველაზე რთული იქნება 1991 წლის შემდეგ
უკრაინისთვის მომდევნო რვა კვირა ყველაზე საპასუხისმგებლო და რთული იქნება, – ამის შესახებ უკრაინის ელჩმა ბრაზილიაში ანდრი მელნიკმა განაცხადა.
უკრაინის ელჩმა ბრაზილიაში რადიო თავისუფლებისთვის მიცემულ ინტერვიუში განაცხადა, რომ უკრაინამ უნდა გადაწყვიტოს გარკვეული საკითხები აშშ-ის ახლად არჩეული პრეზიდენტის, დონალდ ტრამპის ინაუგურაციამდე, რათა ომი საკუთარი პირობებით დაასრულოს.
„მერწმუნეთ, ეს შემდეგი რვა კვირა იქნება ყველაზე საპასუხისმგებლო და რთული უკრაინის ისტორიაში 1991 წლის შემდეგ. ანუ, ჩვენ ახლა უნდა მივიღოთ გადაწყვეტილებები. როდესაც ინაუგურაციის დღე მოვა, ამ დროისთვის გადაწყვეტილება მიღებული უნდა იყოს“, – აღნიშნა მან.
მან აღნიშნა, რომ ყველა მოკავშირედან მხოლოდ აშშ შეძლებს გავლენის მოხდენას უკრაინაში ომის მიმდინარეობაზე.
ელჩმა დასძინა, რომ უკრაინელებმა სერიოზულად უნდა მიიღონ ტრამპის სიტყვები უკრაინაში ომის დასრულების შესახებ 24 საათში.
მან ხაზგასმით აღნიშნა, რომ უკრაინას არ სჭირდება სხვა შუამავლების ძებნა სიტუაციის ძირეულად შესაცვლელად.