სპეციალურმა საგამოძიებო სამსახურმა “ტვ პირველის” თანამშრომლების მიმართ თავდასხმის ფაქტზე გამოძიება დაიწყო
სპეციალურმა საგამოძიებო სამსახურმა, ტელეკომპანია “ტვ პირველის” თანამშრომლების მიმართ თავდასხმის ფაქტზე, საქართველოს სისხლის სამართლის კოდექსის 154-ე მუხლის მეორე ნაწილით გამოძიება დაიწყო.
“დანაშაულში მხილებული პირების დადგენის და დაკავების მიზნით ტარდება ყველა აუცილებელი საგამოძიებო და საპროცესო მოქმედება”, – ნათქვამია გავრცელებულ განცხადებაში.
“ტვ პირველის” ჟურნალისტ მაკა ჩიხლაძეს და ოპერატორს პირდაპირ ეთერში მუშაობისას თავს დაესხნენ და ფიზიკურად გაუსწორდნენ.