ბესიკის ქუჩაზე, სადაც „ტვ პირველის“ გადამღებ ჯგუფზე თავდასხმა მოხდა, საგამოძიებო მოქმედებები მიმდინარეობს
ბესიკის ქუჩაზე, სადაც „ტვ პირველის“ გადამღებ ჯგუფზე თავდასხმა მოხდა, საგამოძიებო მოქმედებები მიმდინარეობს.
ადგილზე იმყოფებიან სპეციალური საგამოძიებო სამსახურის წარმომადგენლები.
„ტვ პირველის“ ჟურნალისტ მაკა ჩიხლაძეს და ოპერატორს პირდაპირ ეთერში მუშაობისას თავს დაესხნენ და ფიზიკურად გაუსწორდნენ.
ინგოროყვას კლინიკის ექიმის ანი დალაქიშვილის განცხადებით, მათ სიცოცხლესთან შეუთავსებელი დაზიანებები არ აქვთ. პირველადი გასინჯვით ორივე პაციენტს თავის ტვინის მსუბუქი შერყევა უფიქსირდება.