თამთა მეგრელიშვილი: IRI საქართველოში განულებული რეპუტაციით სარგებლობს, რაც მათმა რეალობასთან აბსოლუტურად აცდენილმა არაერთმა კვლევამ გამოიწვია
“IRI საქართველოში განულებული რეპუტაციით სარგებლობს რაც მათმა რეალობასთან აბსოლუტურად აცდენილმა არაერთმა კვლევამ გამოიწვია. მათ მიერ დადებულ შედეგებს რთულია კვლევა უწოდო, რადგან ეს შედეგები მათი სურვილების დემონსტრირება უფრო იყო ვიდრე რეალობა”, – წერს “ხალხის ძალის” წევრი თამთა მეგრელიშვილი.
მისივე თქმით, არჩევნების შესახებ გაკეთებული დასკვნა რომელიც IRI-იმ გააკეთა სრულიად აცდენილია რეალობას და მას პოლიტიკური მიკერძოების ელფერი აქვს.
მეგრელიშვილი აღნიშნავს, რომ სწორედ ამიტომ სწორება უნდა გაკეთდეს ეუთო /ოდირის დასკვნაზე რომელიც ერთადერთი სადამკვირვებლო მისიაა რომლის ავტორიტეტზე საუბარი მისდამი მაღალი ნდობიდან გამომდინარე შეიძლება.
“IRI საქართველოში განულებული რეპუტაციით სარგებლობს რაც მათმა რეალობასთან აბსოლუტურად აცდენილმა არაერთმა კვლევამ გამოიწვია. მათ მიერ დადებულ შედეგებს რთულია კვლევა უწოდო, რადგან ეს შედეგები მათი სურვილების დემონსტრირება უფრო იყო ვიდრე რეალობა. არჩევნების შესახებ გაკეთებული დასკვნა რომელიც IRI იმ გააკეთა სრულიად აცდენილია რეალობას და მას პოლიტიკური მიკერძოების ელფერი აქვს. სწორედ, ამიტომ სწორება უნდა გაკეთდეს ეუთო /ოდირის დასკვნაზე რომელიც ერთადერთი სადამკვირვებლო მისიაა რომლის ავტორიტეტზე საუბარი მისდამი მაღალი ნდობიდან გამომდინარე შეიძლება. სწორედ, ამიტომ საქართველოს ხელისუფლებისთვის ეს არის სახელმძღვანელო დოკუმენტი როგორც ყველაზე სანდო შინაარსი რომელმაც ოპოზიციის და მათი პატრონების ნარატივი „არჩევნების გაყალბებასთან“ დაკავშირებით სრულად ჩამოშალა. საყურადღებოა რომ ეუთო/ოდირის დასკვნა ვერ უარყო ისეთმა მიკერძოებულმა გარე აქტორმა, როგორიცაა ესტონეთის საგარეო საქმეთა მინისტრი, მარგუს ცაჰკნა.
ის არის ოპოზიციის პოლიტიკური მედროშე რომელიც ოპოზიციის მიტინგებზე სიტყვით გამოდიოდა და მიზანმიმართულად ებრძოდა და დღესაც ებრძვის “ქართულ ოცნებას”, თუმცა მასაც კი გაუჭირდა ეუთო/ოდირის დასკვნის იგნორირება და საქართველოს ხელისუფლებას მოუწოდა, გაითვალისწინოს მათი რეკომენდაციები. ეს ფაქტი ადასტურებს, რომ საქართველოში ჩატარებული არჩევნები ლეგიტიმურია და ამ ფონზე ყველა სხვა დასკვნა თუ შეფასება მათ შორის IRI – ის დოკუმენტი არჩევნების ირგვლივ უფასური და არასერიოზულია,” – წერა თამთა მეგრელიშვილი.