ირაკლი კობახიძე: შობის დღესასწაულს ვულოცავ ყველა ჩვენს თანამოქალაქეს, ვინც მაცხოვრის დაბადებას 25 დეკემბერს აღნიშნავს
საქართველოს პრემიერ-მინისტრი ირაკლი კობახიძე შობას ულოცავს მოქალაქეებს, ვინც დღესასწაულს 25 დეკემბერს აღნიშნავს.
„შობის ბრწყინვალე დღესასწაულს ვულოცავ ყველა ჩვენს თანამოქალაქეს, ვინც მაცხოვრის დაბადებას 25 დეკემბერს აღნიშნავს. ეს დღე ყველა ქრისტიანისთვის სიყვარულისა და ნათელი მომავლის სიმბოლოა.
გისურვებთ მშვიდობას, სიკეთესა და სიხარულს თქვენს ოჯახებში“, – ნათქვამია ირაკლი კობახიძის მილოცვაში.