უკრაინის შეიარაღებულმა ძალებმა კურსკის ოლქში შეტევითი ოპერაციები დაიწყეს. აღნიშნულს უკრაინული მედია უკრაინის პრეზიდენტის ოფისის ხელმძღვანელ, ანდრეი ერმაკზე დაყრდნობით ავრცელებს.
„კურსკი, კარგი ამბავი, რუსეთი იღებს იმას, რასაც იმსახურებს“, – აცხადებს ერმაკი.
ეგრეთ წოდებული „სამხედრო კორესპონდენტების“ გარდა, შეტევაზე წერენ ცალკეული „ჩინოვნიკები“.
რამდენიმე დღით ადრე, პირველ იანვარს უკრაინის შეიარაღებული ძალების მთავარსარდალი ალექსანდრ სირსკი კურსკის მიმართულებაზე ჩავიდა და უკრაინელი სამხედროები დააჯილდოვა.