ზურაბ ქადაგიძე: 20 იანვრის შემდეგ უნდა დაიწყოს სოროსის ფონდის და მასთან დაკავშირებული ყველა ორგანიზაციის განდევნა ქართული საზოგადოებიდან, როგორც მთავარი ბოროტების – ლიბერალური ფაშიზმის შემოქმედისა!
პარტია „ხალხის ძალის“ წევრი ზურაბ ქადაგიძე ილონ მასკის მიერ ჯორჯ სოროსზე გაკეთებულ განცხადებას „მაგნეტო, დიდი ძალის მქონე მუტანტი, რომელსაც სძულდა კაცობრიობა“ სოციალური ქსელით ეხმიანება და წერს, რომ 20 იანვრის შემდეგ, უნდა დაიწყოს სოროსის ფონდის და მასთან კავშირში მყოფი ყველა ორგანიზაციის განდევნა ქართული საზოგადოებიდან.
„გველს კუდის მოკვეთით ვერაფერს დააკლებ…
ამიტომაც, 20 იანვრის შემდეგ, უნდა დაიწყოს სოროსის ფონდის და მასთან დაკავშირებული ყველა ორგანიზაციის განდევნა ქართული საზოგადოებიდან, როგორც მთავარი ბოროტების – ლიბერალური ფაშიზმის შემოქმედისა!
უნდა ვისწავლოთ „რეალ-პოლიტიკა“ – გავითვალისწინოთ პარტნიორთა არა რჩევები, არამედ ვიმოქმედოთ ისე, როგორც ისინი იქცევიან საკუთარ ქვეყანაში!“ – წერს ზურაბ ქადაგიძე.