საზოგადოებრივი მოძრაობა „ხალხის ძალის“ წევრი გურამ მაჭარაშვილი ეხმაურება ოპოზიციის მიერ დაქირავებული ამერიკელი პიარ-კონსულტანტის დავალებით, სოციალურ ქსელში დაწყებულ კამპანიას, რომელიც საქართველოში ფასებსა და მოსახლეობის ეკონომიკურ მდგომარეობას ეხება.
მისი თქმით, ოპოზიციას ხალხი არც ადრე ახსოვდა და არც ახლა ახსოვს.
„ამ რეკლამასა და პიარში რომ ხარჯავენ ათიათასობით და ასიათასობით დოლარს იმისათვის, რომ მერე ხალხს აჩვენონ, რომ თურმე ფასები დასარეგულირებელია ქვეყანაში, ეს ზუსტად იმას მიუთითებს, რომ ხალხი არც ადრე ახსოვდათ და არც ახლა ახსოვთ. უბრალო მანიპულაციებისთვის სჭირდებათ ეს“, – აღნიშნა მაჭარაშვილმა.