ავთანდილ თალაკვაძე: ოზურგეთში, ღვაწლმოსილი ქართველი მუსიკოსის, ფოლკლორისტის და კომპოზიტორის ანზორ ერქომაიშვილის ძეგლი განთავსდება
„ძვირფასო თანამოქალაქეებო, მინდა გითხრათ, რომ თქვენი მომართვის და თხოვნის გათვალისწინებით, მივიღეთ გადაწყვეტილება, ოზურგეთში, ზ. გამსახურდიას მოედანზე („ჭადრების ბაღი“) ღვაწლმოსილი ქართველი მუსიკოსის, ფოლკლორისტის და კომპოზიტორის, ჩვენთვის საამაყო ოზურგეთელის, ბატონი ანზორ ერქომაიშვილის ბიუსტის განთავსების თაობაზე. ამ ინიციატივით უკვე მივმართე ოზურგეთის მუნიციპალიტეტის საკრებულოს და პროექტის განხორციელებას ოზურგეთის მუნიციპალიტეტის მერია სრულად უზრუნველყოფს,“ – აღნიშნა მერმა.