თურქეთის სამთო-სათხილამურო კურორტზე სასტუმროში ხანძრის შედეგად დაღუპულთა რიცხვი 79-მდე გაიზარდა
თურქეთის სამთო-სათხილამურო კურორტზე სასტუმროში გაჩენილი ხანძრის შედეგად დაღუპულთა რიცხვი 79-მდე გაიზარდა, ხანძრის შედეგად 51 ადამიანი დაშავდა.
თურქული მედიის ცნობით, გამოძიების ფარგლებში დააკავეს ბოლუს მერის მოადგილე სედათ გიულნერი და სახანძრო სამსახურის მოადგილე კენან კოშკუნი, ასევე კომპანიის გენერალური მენეჯერი და სასტუმროს მენეჯერი.
თურქეთის იუსტიციის მინისტრის, ილმაზ თუნჩის განცხადებით, გამოძიების ფარგლებში, ამ დროისთვის სულ დაკავებულია 11 პირი. სამძებრო, სამაშველო და ქრობის სამუშაოები ხანძრის გავრცელებიდან 36 საათის შემდეგ დასრულდა.