ხვიჩა კვარაცხელიას „პარი სენ-ჟერმენმა“ ჩემპიონთა ლიგის პლეი ოფის პირველ მატჩში „ბრესტი“ სტუმრად 3:0 დაამარცხა და მერვედფინალისკენ დიდი ნაბიჯი გადადგა.
პარიზელთა მთავარმა მწვრთნელმა, ლუის ენრიკემ ქართველი თავდამსხმელი სათადარიგოთას შორის დატოვა და მოედანზე მხოლოდ 67-ე წუთზე შეუშვა.
პარიზელები 21-ე წუთზე პენალტით ვიტინიამ დააწინაურა, 45-ე წუთზე უსმან დემბელემ მეორე გოლი გაიტანა, მანვე 66-ე წუთზე დუბლი შეასრულა და „პარი სენ-ჟერმენმა“ მეტოქე დამაჯერებლად დაამარცხა – 3:0.
პარიზელები საპასუხო მატჩს 19 თებერვალს საკუთრ მოედანზე ითამაშებენ და თუ სასწაული არ მოხდა, მერვედფინალში გავლენ.