“რუსეთი არ აპირებს უკრაინასთან საუბარს უკრაინული მიწების გაცვლაზე კურსკის ოლქის იმ ნაწილზე, რომელიც უკრაინელი სამხედროების კონტროლის ქვეშ არის”, – განაცხადა კრემლის პრესმდივანმა დიმიტრი პესკოვმა.
“ეს შეუძლებელია. რუსეთი არასდროს საუბრობდა და არ ისაუბრებს ტერიტორიების გაცვლაზე”, – თქვა პესკოვმა.
მან აგრეთვე აღნიშნა, რომ უკრაინული საჯარისო შენაერთები, რომლებიც კურსკის ოლქში ამჟამად იმყოფებიან, განადგურდებიან და განიდევნებიან.
ცნობისთვის, უკრაინის პრეზიდენტმა ვოლოდიმირ ზელენსკიმ გუშინ განაცხადა, რომ თუ აშშ-ის პრეზიდენტი, დონალდ ტრამპი შეძლებს უკრაინისა და რუსეთის მოლაპარაკების მაგიდასთან დასმას, ის ვლადიმირ პუტინს შესთავაზებს ტერიტორიების გაცვლას.