ისნის რაიონის გამგეობა, ბინათმესაკუთრეთა ამხანაგობის ხელშეწყობის პროგრამის ფარგლებში, თვრამეტი ლიფტის რეაბილიტაციას იწყებს.
პროექტები გამგეობის ბიუჯეტიდან 811 414 ლარით ფინანსდება.
ისნის რაიონის გამგებლის მოვალეობის შემსრულებელი გიორგი რჩეულიშვილი, პარლამენტის დელეგატთან, ნიკა ელისაშვილთან და საკრებულოს მაჟორიტარ დეპუტატ კახა ლაბუჩიძესთან ერთად, ადგილობრივ მოსახლეობას შეხვდა და დაგეგმილ სამუშაოებზე ინფორმაცია მიაწოდა.
