გიორგი მიქაუტაძემ ზედიზედ მეორე შეხვედრაში გაიტანა და გასვლაზე აუტსაიდერ „მონპელიესთან“ „ლიონის“ გამარჯვებას დაუდო სათავე – 4:1.
საფრანგეთის ლიგა 1-ის 22-ე ტურში ქართველი თავდამსხმელი ლიგონელების ძირითად შემადგენლობაში იყო, 70 წუთი ითამაშა და ანგარიში მე-3 წუთზე რაიან ჩერკის გადაცემით გახსნა და მაღალი შეფასებაც მიიღო – 7,2 ქულა.
მართალია, „მონპელიემ“ პირველ ტაიმში წონასწორობა აღადგინა, მაგრამ ერნესტ ნუამას (50), კორენტენ ტოლისოს (53) და ალექსანდრ ლაკაზეტის (73) გოლებით სოლიდური უპირატესობა მოიპოვა.
საბოლოოდ, „ლიონმა“ 4:1 გაიმარჯვა და 36 ქულთ მე-5 ადგილზე ევროპალიგის ზონაში აინაცვლა. გიორგი მიქაუტაძემ კი მიმდინარე სეზონში ლიგა 1-ში მე-6 გოლი ჩაიწერა.