საქართველოს ეროვნული ნაკრების ცენტრალური თავდამსხმელის, გიორგი შერმადინის გუნდი „ტენერიფე“ ესპანეთის საკალათბურთო ლიგის 25-ე ტურში სტუმრად „ანდორას“ დაუპირისპირდა და მეტოქე 79:66 დაამარცხა.
ქართველი კალათბურთელი მოედანზე საუკეთესო იყო, შერმადინმა 23 ქულა, 10 მოხსნა, 4 დაფარება და 1 შედეგიანი გადაცემა დააგროვა. გიორგიმ 11-დან 9 ორქულიანი და 5-დან 5 საჯარიმო ტყორცნა გამოიყენა. შეხვედრის შემდეგ ის უძვირფასეს მოთამაშედ (MVP) დაასახელეს.
„ტენერიფეს“ შემადგენლობაში გამორჩეული იყო კაილ გეიც. ამერიკელმა „ანდორას“ კალათში 17 ქულა ჩააგდო, ხოლო 14 ქულა ჰქონდა ბრაზილიელ მარსელიონიო უერტასს.
ამ მომენტისთვის „ტენერიფეს“ ესპანეთის ჩემპიონატში 30 ქულა აქვს და გათამაშების ცხრილში მეექვსე ადგილზეა. მომდევნო მატჩს შერმადინის გუნდი „გრან კანარიას“ წინააღმდეგ საკუთარ მოედანზე ჩაატარებს.
🏆 Un día más en la oficina para @GioShermadini que, con otro partidazo, es el MVP de los nuestros en la victoria de hoy.
💛🖤 #VamosCanarias #TeToca pic.twitter.com/OXoutrxURl
— Lenovo Tenerife (@CB1939Canarias) March 16, 2024