გიორგი ვოლსკი: ჩვენთვის ეს არის არა ოპოზიცია, არამედ საქართველოს წინააღმდეგ შეთქმულთა აგენტურული ჯგუფი
“ეს არის მარიონეტული ჯგუფი, საკმაოდ აგრესიული, კარგად დაფინანსებული, რომელმაც ახლა ასეთი მითითება მიიღო”, – ასე გამოეხმაურა პარლამენტის პირველი ვიცე-სპიკერი რადიკალური ოპოზიციის მიერ წამოწყებულ ანტიამერიკულ კამპანიას.
“ჩვენთვის ეს არის არა ოპოზიცია, თუნდაც რადიკალური ოპოზიცია, არამედ ეს არის საქართველოს წინააღმდეგ შეთქმულთა აგენტურული ჯგუფი”, – აღნიშნა ვოლსკიმ.
რადიკალური ოპოზიციის ანტიამერიკული კამპანია გრძელდება. მეორე დღეა, თეთრი სახლის ლიდერი ქართული ოპოზიციური სპექტრის კრიტიკის ობიექტია. დონალდ ტრამპის მიმართ ისმის შეურაცხმყოფელი განცხადებებიც.