გერმანიის მოქმედმა კანცლერმა და გერმანიის სოციალ-დემოკრატიული პარტიის ლიდერმა ოლაფ შოლცმა საპარლამენტო არჩევნებში დამარცხება აღიარა და მის კონკურენტს, ფრიდრიხ მერცს კონსერვატიული ქრისტიან-დემოკრატიული კავშირიდან, გამარჯვება მიულოცა. ამის შესახებ გერმანული გამოცემა Bild წერს.
როგორც ცნობილია, ეგზიტპოლების მიხედვით, შოლცის პარტიამ მესამე ადგილი დაიკავა.
„ეს არჩევნებში მწარე შედეგი იყო სოციალ-დემოკრატიული პარტიისთვის“, – მოჰყავს გამოცემას შოლცის სიტყვები.
ეგზიტპოლების მიხედვით, პირველი ადგილი კონსერვატიული ქრისტიან-დემოკრატიულმა კავშირმა დაიკავა და შესაბამისად, გერმანიის მომავალი კანცლერი ფრიდრიხ მერცი უნდა გახდეს. ხოლო მეორე ადგილზე ულტრამემარჯვენე პარტია „ალტერნატივა გერმანიისთვის“ გავიდა.