ლევან მგალობლიშვილი: ისევე როგორც ასი წლის წინ, ჩვენ კვლავ გვიწევს ბრძოლა ქვეყნის დეოკუპაციის, სუვერენიტეტის დაცვისა და ტერიტორიული მთლიანობის აღდგენისთვის
„ისევე როგორც ასი წლის წინ, ჩვენ კვლავ გვიწევს ბრძოლა ქვეყნის დეოკუპაციის, სუვერენიტეტის დაცვისა და ტერიტორიული მთლიანობის აღდგენისთვის“, – ამის შესახებ აფხაზეთის ავტონომიური რესპუბლიკის მთავრობის თავმჯდომარე ლევან მგალობლიშვილი საკუთარ ფეისბუქ-გვერდზე წერს.
„დღეს 25 თებერვალია, ერთ-ერთი ყველაზე მძიმე დღე საქართველოს უახლეს ისტორიაში.
ჩვენ ვიხსენებთ საქართველოს ერთიანობისთვის თავდადებულ გმირებს – იუნკერებს, რომელთა თავგანწირვა ფასდაუდებელია და რომელთა სახელებიც სამუდამოდ ჩაიწერა საქართველოს ისტორიაში. სწორედ ასეთ მაგალითებზე უნდა იზრდებოდნენ მომავალი თაობები, რათა არასდროს მოხდეს ჩვენი გმირი წინაპრების ღვაწლის დავიწყება.
ქედს ვიხრი ყველა გმირის წინაშე, რომელმაც საკუთარი სიცოცხლე შესწირა ქვეყნის თავისუფლებას.
ოკუპაციის თემა დღესაც კვლავ აქტუალურია. ისევე როგორც ასი წლის წინ, ჩვენ კვლავ გვიწევს ბრძოლა ქვეყნის დეოკუპაციის, სუვერენიტეტის დაცვისა და ტერიტორიული მთლიანობის აღდგენისთვის, თუმცა დარწმუნებული ვარ, ოკუპაცია აუცილებლად დასრულდება და ერთიან საქართველოში ყველა ერთად გავაგრძელებთ ცხოვრებას“, – წერს ლევან მგალობლიშვილი.