თორნიკე რიჟვაძე: აქტიურად მიმდინარეობს სტიქიის სალიკვიდაციო ღონისძიებები და აჭარაში სიტუაცია სრულ კონტროლზეა
ქობულეთში დიდთოვლობით გამოწვეული პრობლემების გადასაჭრელად შექმნილ შტაბში შეხვედრა პრემიერ-მინისტრ ირაკლი კობახიძის და პრეზიდენტ მიხეილ ყაველაშვილის ხელმძღვანელობით გაიმართა.
„აჭარაში აქტიურად მიმდინარეობს სტიქიის სალიკვიდაციო ღონისძიებები და სიტუაცია სრულ კონტროლზეა, ყველა ადმინისტრაციულ ერთეულამდე მისასვლელი გზა უკვე გაწმენდილია, აღდგა საზოგადოებრივი ტრანსპორტის მოძრაობა და კომუნალური სერვისების მიწოდება. გამოწვევები ჯერ ისევ რჩება მაღალმთიან აჭარაში, ადმინისტრაციულ ერთეულებამდე მისასვლელი გზების გაწმენდითი სამუშაოები აქტიურად გრძელდება და მაქსიმუმი გაკეთდება მოსახლეობის საჭიროებების მოკლე ვადებში დასაკმაყოფილებლად“, – განაცხადა აჭარის მთავრობის თავმჯდომარე თორნიკე რიჟვაძემ.