მასტერესის ტურნირზე გამგზავრების წინ კასპის ჭიდაობის ჯგუფის მწვრთნელს და მოჭიდავეებს კასპის მერი შეხვდა
კასპის მუნიციპალიტეტის მერი ვახტანგ მაისურაძე კასპის ჭიდაობის ჯგუფის მწვრთნელს სოსო მამულაშვილს და იმ მოჭიდავეებს შეხვდა, რომლებიც მონაწილეობას გერმანიის ქალაქ ბრემენში გამართულ მასტერესის ტურნირში მიიღებენ.
ვახტანგ მაისურაძემ გამგზავრების წინ ტურნირის მონაწილეებს წარმატებები უსურვა. როგორც მან აღნიშნა, მერია ყოველთვის მხარს უჭერს და ხელს უწყობს ნიჭიერ სპორტსმენებს წარმატებების მიღწევაში, ასევე სპორტული ინფრასტრუქტურის მოწყობასა და განვითარებაში.
მოჭიდავეების მგზავრობას მუნიციპალიტეტი აფინანსებს.