logo_geo
eng_logo
გიორგი გახარია: შესაძლოა, საგანგებო მდგომარეობის გამოცხადება საჭირო გახდეს
- +

17 მარტი. 2020. 23:01


 

პრემიერ-მინისტრმა გიორგი გახარიამ ტელეკომპანია „რუსთავი2“-ის პირდაპირ ეთერში, კორონავირუსის საფრთხის გამო ქვეყანაში არსებულ ვითარებაზე ისაუბრა და განაცხადა, რომ მთავრობის მიზანია მაქსიმალურად შემცირდეს ვირუსის შიდა გადაცემის სიჩქარე, რისთვისაც შესაძლოა, დამატებითი შეზღუდვების დაწესება გახდეს საჭირო.  

                       

მოგეხსენებათ, რომ ჩვენ დღეს, შევზღუდეთ გარკვეული საზოგადოებრივი ტრანსპორტის მოქმედება, შეიძლება, მოგვიწიოს კიდევ დამატებითი შეზღუდვები ტრანსპორტის ნაწილში. შესაძლებელია მოგვიწიოს და, ალბათ, კიდევ მოგვიწევს უფრო მკაცრი შეზღუდვები საზოგადოებრივი თავშეყრის ადგილებში, მაგალითად, ისეთ ადგილებში როგორებიცაა -მაღაზიები, მსხვილი სავაჭრო ცენტრები, ბაზრობები და ა.შ. ჩვენი ამოცანა მარტივია - ყველაფერი უნდა გავაკეთოთ იმისთვის, რომ შიდა გადაცემის სიჩქარე შევამციროთ, იმისთვის, რომ ჩვენ ჯანდაცვის სისტემას მივცეთ მეტი საშუალება და დრო უკვე ინფიცირებულ ჩვენს თანამოქალაქეებს უმკურნალონ მაქსიმალურად ეფექტიანად“, - განაცხადა გიორგი გახარიამ.   

 

მისივე თქმით, ეს არ ნიშნავს იმას, რომ ქვეყანა კარანტინის რეჟიმში გადადის, თუმცა შეიძლება ასეთი გამოწვევის წინაშეც დავდგეთ.

 

ეს ნიშნავს იმას, რომ ჩვენ ჯანდაცვის სისტემას უნდა შევუწყოთ ხელი, რომ მათზე ზეწოლა და მიმართვიანობა არ იყოს პიკური, არამედ, იყოს პლატოსებური. მოგეხსენებათ, რომ ეს არის ის ხარისხობრივი ცვლილება მენეჯმენტში, რაც უნდა მოხდეს. ეს არ ნიშნავს იმას, რომ ქვეყანა კარანტინის რეჟიმში გადადის, თუმცა შეიძლება ასეთი გამოწვევის წინაშეც დავდგეთ, ისევე, როგორც შეიძლება დავდგეთ ისეთი გამოწვევის წინაშეც, როგორიცაა საგანგებო მდგომარეობა,“ - განაცხადა გიორგი გახარიამ.

 

 

right_banner
არქივი
right_banner