logo_geo
eng_logo
თეონა ბუაჩიძის რეკომენდაციები: ხშირად გაანიავეთ ოთახები, საცხოვრებელი და სამუშაო სივრცე
- +

18 მარტი. 2020. 21:59

 

 

ახალი რესპირატორული ვირუსი COVID-19 ინფექციური დაავადებაა, რომელიც გამოწვეულია ახლად აღმოჩენილი ვირუსით SARS-CoV-2 ან კორონავირუსით. სპეციალისტები განმარტავენ - თუ გაქვთ ცხელება, ხველა და სუნთქვის გაძნელება, აუცილებელია, დაუყოვნებლივ მიმართოთ სპეციალიზებულ სამედიცინო დაწესებულებას.

 

ინფექციის გავრცელების თავიდან ასაცილებლად გთავაზობთ აკად. ფ. თოდუას სამედიცინო ცენტრის ინფექციონისტის, თეონა ბუაჩიძის რეკომენდაციებს:

 

მოერიდეთ საზოგადოებრივი თავშეყრის ადგილებში ყოფნას;

 მაქსიმალურად მოერიდეთ რესპირატორული ინფექციის მქონე ადამიანებთან კონტაქტს, საჭიროების შემთხვევაში, დაიცავით დისტანცია სულ მცირე 1.5-2 მეტრის დაშორებით;

აუცილებელია ხელების ხშირი დაბანა, ან დამუშავება სპირტის შემცველი სადეზინფექციო ხსნარებით;

 შეეცადეთ არ შეეხოთ ხელით თქვენს თვალებს, ცხვირსა და პირს;

 ცემინების და ხველის დროს აიფარეთ მოხრილი იდაყვი სახეზე;

 აუცილებელია პაციენტების მიერ დამცავი ნიღბების გამოყენება;

 სველი წესით დაამუშავეთ ზედაპირები;

 ხშირად გაანიავეთ ოთახები, საცხოვრებელი და სამუშაო სივრცის.

 

მაღალი რისკის ჯგუფს წარმოადგენენ:

პირები, რომელთაც ბოლო 14 დღის განმავლობაში იმოგზაურეს იმ ქვეყნებში, სადაც ახალი კორონავირუსია გავრცელებული.

 პირები, ვისაც ჰქონდა პირდაპირი კონტაქტი დაავადებულ ადამიანთან ან გარემოსთან, სადაც სიმპტომების მქონე პაციენტი იმყოფებოდა.

 ერთ დახურულ გარემოში COVID-19-ით ინფიცირებულთან ერთად ცხოვრება ან მასთან ერთად მგზავრობა.

 ხანდაზმული ასაკისა და სხვადასხვა ქრონიკული დაავადების მქონე პირები.

 

გთხოვთ გავუფრთხილდეთ საკუთარ და ყველა ჩვენგანის ჯანმრთელობას!  

 

right_banner
არქივი
right_banner