logo_geo
eng_logo
ნიკოლოზ მჭედლიშვილი: „ქართული ოცნება" დამაჯერებელ გამარჯვებას მოიპოვებს
- +

29 ოქტომბერი. 2020. 21:27

 

ექსპერტი ნიკოლოზ მჭედლიშვილი „ნაციონალური მოძრაობის" მიერ დაანონსებულ აქციას ეხმაურება:

 

„ჩვენმა ოპოზიციურმა პარტიებმა, რომლებიც უკვე თითქმის ათწლეულია ერთ წრეზე ტრიალებენ, ვერ ისწავლეს ერთი მარტივი რამ ამ ხნის მანძილზე - მიტინგების გამართვა იმის საჩვენებლად, რომ მათ "ყველაზე მეტი მხარდამჭერი ჰყავთ", ძალიან მოძველდა, წარსულია და შუა საუკუნეები, პირდაპირი გაგებით.

 

მიტინგი და საპროტესტი აქცია მხოლოდ მაშინ არის რაიმე მნიშვენლობის მქონე და საჩვენებელი, თუ იქ საზოგადოება მიდის ყოველგვარი დაძახების გარეშე, და ამის მომსწრენი ჩვენ ვიყავით თბილისში ბოლო  რამდენიმე წლის განმავლობაში.

 

მაგრამ, როცა შენ მიტინგის მონაწილენი "მარშრუტკებით" მოგყავს რეგიონებიდან, მათ ფულს უხდი და მათ ისიც კი არ იციან, სად მიდიან, მაშინ შენ ატყუებ საზაოგადოებას, და რაც მთავარია შენს თავს იტყუებ. უფრო სწორედ, საზოგადოება დიდად აღარ ტყუვდება ამ ძალიან მოძველებული ტრიუკით და მას აღიზიანებს კიდეც თბილისის ცენტრის დაკავება აბსოლუტურად არაფრისმომცემი შეკრების გამო.

 

სამწუხაროა, მაგრამ ესეთი ოპოზიცია გვყავს და ორ დღეში, ჩემი მოლოდინით, "ქართული ოცნება", რომელიც უნაკლო ნამდვილად არ არის, ამჯერადაც დამაჯერებელ გამარჯვებას მოიპოვებს. ოპოზიცია კი მას ძალიან უწყობს ხელს ამ გამარჯვებაში!“ - წერს მჭედლიშვილი.

 

 

right_banner
არქივი
right_banner