logo_geo
eng_logo
ვასილ მაღლაფერიძე: ძლიერდება ეჭვი, რომ არანაირი მოლაპარაკება არ მიმდინარეობს და მაგიტომაცაა დახურული
- +

18 ნოემბერი. 2020. 16:03

 

ფილოლოგი ვასილ მაღლაფერიძე სოციალურ ქსელში, ხელისუფლებასა და ოპოზიციას შორის გამართულ მოლაპარაკებებზე, რომლიც დახურულ კარს მიღმა იმართება,  სტატუსს აქვეყნებს.

 

„კაცმა რომ თქვას, თუ რამე უნდა გადაიცემოდეს პირდაპირ ეთერში, სწორედაც რომ ხელისუფლების და ოპოზიციის მოლაპარაკების რაუნდები - ვინაიდან ის, რის შესახებაც მიმდინარეობს მოლაპარაკება, სინამდვილეში მოქალაქეებს ეკუთვნით და მოქალაქეებს უფლება აქვთ, იცოდნენ, ვის რა პოზიცია უკავია.

 

ამავე დროს, მიუხედავად იმისა, რომ, თითქოს, ეს შეხვედრები დახურულია, მაინც ყველა ჰყვება თავის ვერსიას, რომლებიც ერთმანეთს არ ემთხვევა და კიდევ უფრო ბუნდოვანს ხდის ვითარებას.

 

ასეთ ვითარებაში, თუ ვერ მოილაპარაკეს, ვერ გავიგებთ, რა მიზეზით ვერ მოილაპარაკეს, ხოლო, თუ შეთანხმდნენ, მოქალაქეებმა ხომ უნდა ვიცოდეთ, რის საფუძველზე შეთანხმდნენ?!

 

მაინც რა შეიძლება ითქვას ამ რაუნდებზე ისეთი, რისი მოსმენაც მათი მონაწილეებისთვის შეიძლება და მოქალაქეებისთვის არა?!

 

სინამდვილეში სულ უფრო ძლიერდება გონივრული ეჭვი, რომ არც არანაირი მოლაპარაკება არ მიმდინარეობს და მაგიტომაცაა დახურული“, - წერს ვასილ მაღლაფერიძე.

right_banner right_banner
არქივი
right_banner