logo_geo
eng_logo
გია აბაშიძე: რაში ვუხდით ამ უვიც სუბიექტს ხელფასს?
- +

6 მარტი. 2021. 00:32

 

 

ანალიტიკოსი გია აბაშიძე „ფეისბუქის“ საკუთარ გვერდზე ეხმაურება სახალხო დამცველის, ნინო ლომჯარიას განცხადებას დავითგარეჯის საქმეზე.

 

„შერჩევითად სახალხო დამცველმა, მავნებელმა ნინო ლომჯარიამ მორიგი უვიცობა გამოავლინა.

მან განაცხადა, დავით გარეჯის საქმეს აშკარად აქვს პოლიტიკური ან სხვა მოტივი, რომელიც საქმეში არსებული ხარვეზების ფონზე, კანონიერ მოტივს გადაწონის. და წარმოადგინა სუბიექტურობით სავსე დოკუმენტი. გეგონება სტრასბურგის დიდი პალატის მოსამართლე იყოს ეს 'ენჯეო' სექტორში ჩარჩენილი და ისიც ტოტალურად არაკომპეტენტური.

 

საგულისხმოა, რომ საკუთარი ე.წ. ანგარიში ლომჯარიას მტკიცებით ფორმაში აქვს დაფიქსირებული ისეთი დასკვნები, რაც მხოლოდ შესაბამისი დარგის ექსპერტების მიერ ჩატარებული სრულყოფილი ექსპერტიზით შეიძლება დადგინდეს.

 

როგორც პროკურატურა აცხადებს, ნინო ლომჯარია სრულიად დაუსაბუთებელი და ცალმხრივად მომზადებული მოსაზრებით კონკრეტული ბრალდების სისხლის სამართლის საქმის მხარედ მოგვევლინა, რაც ეწინააღმდეგება საქართველოს კანონმდებლობით განსაზღვრული სასამართლოს მეგობრის და სახალხო დამცველის როლს.

 

ჩვეულებისამებრ, დოკუმენტის მომზადებისას ნინო ლომჯარია არ გაცნობია სისხლის სამართლის საქმის სრულ მასალას და არც მტკიცებულებების დიდ ნაწილს.

 

ჩემთვის სამარცხვინო სახალხო ე.წ. დამცველმა ლომჯარიამ გაუგებარი მიზეზით დააიგნორა ფარული საგამოძიებო მოქმედებების შედეგად მოპოვებული მტკიცებულებები, რაც სასამართლოში ბრალდების მხარის ერთ-ერთი უმნიშვნელოვანესი არგუმენტია.

მერამდენედ ვკითხულობ - რაში ვუხდით ამ უვიც სუბიექტს ხელფასს და რატომ უნდა იხდიდეს სახელმწიფო ბიუჯეტი მისი აღმაშენებელზე მისი ოფისის ქირაში თვეში $34 000-ს?!“, - წერს აბაშიძე.

 

 

right_banner right_banner
არქივი
right_banner